Pic de l´Estagnas - Cheminée sud (4a, 115 m, derrigorrez 4a)

Esan daiteke Pic de l´Estagnas-eko bidea, eskalada modura, ez dela oso eskalada erakargarria. Bidea nahiko etzana da eta belarrezko kanal baten erditik doa. Hala ere, Bésines aterperako bideak, inguruko lasaitasunak eta bideko aseguruak urruti egoteak igoera alpino polit batez gozatu araziko digu. Aitzakia ona izan daiteke Ariegeko aparteko bailara ezagutzeko. Aurreko egunetan euria egin badu eta lurra bustia badago, ia hobeto da botekin igotzea katuekin baino.
Aterpe polita eta atsegina. Aterpeko nagusia, Jean Claud oso abegitsua da eta ongi daki gazteleraz hitz egiten.

Iristeko: Ax-les-Thermes-etik Andorrako bidea (N-20) hartu. Hospitalet-era iristerakoan trenbidea gurutzatuz herrian sartu. Nazionaletik jarraitu errepideak eskuinaldera duen bigarren bihurgune handiraino. Kotxea hor utzi.
Bihurgunetik GR bidea hasten da. Marka zuri-gorriak jarraitu eta 2h10min-tan aterpean gara. 
Hurbiltzeko: Aterpe atzetik irteten den GR-a hartu (marka zuri-gorriak). Hamar minutura “Portielle des Bésines” adierazten duen zutoin bat aurkituko dugu. Hartu norantza hori eta lepora iritsi baino lehen (35 minutura gutxi gorabehera) ibartxo bat aurkituko dugu. Bertan bidea utzi eta ezkerrera egin behar da. Bidetik kanpo, soro eta harrien artean, bidearen hasieraraino igo (1h15min.).

L1 (25 m, 2 aseguru, 4a): Plaka etzan batekin hasten da. Luzeko aseguru bakarretik eskuinera jo, bloke handi baten azpitik pasa eta espoloitxora irten. Hortik aurrera bilguneraino bidea erraza da.
L2 (30 m, 2 aseguru, 4a): Lehenengo zatia, lehenengo asegurura iritsi arte, belarretik oinez igo behar da. Gero plaka etzana bilguneraino.
L3 (30 m, 3 aseguru, 4a): Bilgunetik eskuinera irten, kanal txiki baten bila. Bigarren asegurutik ezkerrera zeharkatu eta plaka etzan batetik (belarrak zertxobait hartua) bilgunera igo.
L4 (30 m, 1 aseguru, 3b): Luzearen erdiraino belarra. Azkeneko zatian blokeak. Bilguneko aseguruak bi bloke handitan kokatuta daude. Kontuz! Beheko blokeak ez du konfiantza gehiegi ematen, kolpatzerakoan soinua ateratzen baitu. Egokiena goiko blokekoa erabiltzea da eta baga luze batekin indartu.

Cheminée sud

Croquis via

Jaitsiera: bidetik rapelatzen. Bilguneak rapelatzeko prestatuta daude
Materiala: 30 metroko 2 soka, 4-5 zinta, 2-3 friend ertain eta bilgunetarako materiala.
Arroka: Granitoa
Orientazioa: Hegoa eta hego-mendebaldea
Garaia: Uztaila eta urria bitartean
Iraupena: 1h15min.
Lehenengo igoera: René Vignolle
Cambiar idioma (castellano)