Serra de les Canals - Triple Leffe (70 m, 6a, derrigorrez 5c) eta Red Ipa (65 m, 6a, derrigorrez 5c)

Bideen zerrendarako lotura

Aurkikuntza txiki handi bat. Leku lasaia (egia da bertatik abuztuan ibili ginela eta bero asko egiten zuela), itzultzeko gogoz utzi gintuena. Gu arratsaldeetan hurbildu ginen, eguzkiak indarra galtzen hasten zuenean, eta, zebilen haize apurrarekin, bero handirik pasa gabe eskalatu genuen.

Garbiketa lana izugarria izan da. Nahikoa da harkaitzean zenbat orban zuri dauden ikustea. Harkaitzari azala kendu zaion eremuak dira. Eskerrak eman nahi dizkiogu Joan Vidali egindako lanagatik. Inoiz elkartzen bagara, nahi dituzun garagardoetara gonbidatuta zaude. Bideei eman dizkien izenengatik, gai horretan aditua dela uste dut. Momentu horretaz gozatzen jakingo genuke.

Luxuzko ekipamendua eta bideen luzera, bidezkoa. Egokia, egun berean 2 edo 3 bide egiteko eta irribarre zabal batekin amaitzeko.

Hemen deskribatutako bi bideetako lehen bi luzeak, oro har, plaka etzanenatik doaz, tarte bertikalagoa den zatiren batekin. L3ak bertikalak dira.

Hormaren oinera iristean, egurrezko kartel bat ikusiko dugu, bide guztien izena eta luzeen graduazioa jasotzen dituena. Gu "Triple Leffe" -tik hasi ginen, eta lehen bi luzeak kartelean jartzen zuena baino errazagoak iruditu zitzaizkigun. Agian oso ongi hornituta daudelako izan zen. Ez da estutasunik pasatzen. Azken luzean konfiatuta sartu ginen, aurreko biak bezala izango zelakoan pentsatuz (kartelak jartzen zuena baino errazagoa), eta, guztiz oker ginen, ederki estutu behar baita. Gainera, harkaitza oraindik "basati" samar dago tarte honetan, eta arrokari arreta gehiago jarri behar zaio. Hobera egingo du jendea pasa ahala.

"Red Ipa" bidean antzeko zerbait gertatu zitzaigun. "Triple Leffe" bidearen antzekoa izango zelakoan geunden, baina L1a kartelean adierazitakoa baino gogorragoa iruditu zitzaigun. Hamargarren eta hamaikagarren aseguruen artean tarte fina du, eta bertan oinekin eta eskuekin fin ibili behar da.  L2 dezente errazagoa iruditu zitzaigun, eta L3 gogorra, aurreko bideko L3aren antzera.

Bideen izenak harkaitzean adierazita daude. Izen batzuk ez dira ondo ikusten, baina bat identifikatuta, erraza da gainerako bideak identifikatzea.

 

Iristeko: Oliana herritik errepidea jarraitu La Seu de Urguell norabidean. Herritik irten, biribilgune batetik igaro eta presako zubira iritsi baino dezente lehenago, eskuinera hartu Ermita del Castell adierazten duen bidegurutzean. Asfaltatutako pista hormetara hurbiltzen da. Bidea banatzen denean ezkerreko adarra hartu. Ermitatik gertu uzten gaitu. Bertan, zabalune handi bat dago hainbat auto aparkatzeko. Behar izanez gero, urez hornitzeko iturri bat ere badago.

Hurbiltzeko: Bidezidorrak, hasieran, ezkerrerantz jotzen du, hormak dauden lekuaren kontrako norabidean, baina goi-tentsioko zutoin baten ondoren eskuinera itzultzen da eta ia galerarik gabe bideetara eramango gaitu.

2-3 minutu igo ondoren adi egon behar dugu, bidea bitan banatzen baita. Adi egon behar dugu, banaketa lekua ez baita hain agerikoa. Puntu horretan ezkerreko adarra hartuko dugu, goranzko joera argia duena. Bidezidorretik igo eta berehala hormaren oinean egongo gara.

Kotxetik, igoera guztiak, ez ditu 6-7 minutu baino gehiago behar.

Triple Leffe (70 m, 6a, derrigorrez 5c)

L1 (25 m, 11 aseg., 5a). Plaka etzana, itsasgarritasunezko pasaguneren eta sabeltxoren bat dituena.

L2 (30 m, 14 aseg., 5a). Plaka etzana, bertikalagoak diren bi zatitxoekin. Bata orban zuri handiaren parean eta bestea bilera baino metro batzuk lehenago. Zatitxo horiek euste leku onak dituzte. R sabai handiaren azpian.

L3 (15 m, 12 aseg., 6a). Hasieran sabaia, helduleku onekin, baina pasagune arraroa duen irteera batekin. Gero, halako arrakala lauso batetik igotzen da, eskuinerantz, eta oinak ondo jartzeko pasagune fin batzuk ditu. Hemen harkaitzak ez du hainbesteko konfiantzarik ematen, bainaa seguruen hurbiltasunak zerbait laguntzen du. Luzeraren bigarren zatian, bilgunera hurbildu ahala, plakaren bertikaltasuna jaisten doa eta, beraz, zailtasuna, baina arrokarekin adi jarraitu behar da. Hobera egingo du jendea pasa ahala.

 

Jaitsiera: Bidetik rapelatzen. R3tik R2ra soka batekin jaitsi eta hortik, 60 m-ko bi sokekin, lurrera. Guk ez genuen probatu, baina litekeena da 60 metroko 2 sokekin lurrera tirada batean iristea. Hori egin genuen Red Ipa bidean eta lurreraino iritsi ginen inolako arazorik gabe.

 

Materiala: 14 zinta + bilguenerako materiala. Friendsak eta fisureroak ez dira beharrezkoak.

Arroka: Kareharria.

Orientazioa: Hegoaldea. Udan bero handia.

Iraupena: 1h 15 min.

Nork irekia/ekipatua: Joan Vidal, otsaila 2024.

 

Red Ipa (65 m, 6a, derrigorrez 5c)

L1 (30 m, 15 aseg., 6a). Hormatxo batekin hasten da luzea. Euste lekuak ditu, baina estutu egin behar da (5b). Gero, mini-erresalte batek zatitutako plaka batek ezkerrerantz doan plaka bertikal batean uzten gaitu. Zatitxo fina, helduleku txikikoa eta oinak ondo jartzekoa, 10. eta 11. aseguruen artean. Gero, bilguneraino, plaka etzan egiten dea eta erlaxatuago igotzen da.

L2 (20 m, 12 aseg., 4c). Harri trinkoz osatutako plaka etzana, aseguruak hurbil dituena. Hamargarren asegurutik 1 m ezkerrera egin eta gero diagonalean igo bilgunera.

L3 (15 m, 9 aseg., 6a). Ageriko pitzaduraren eskuinera dagoen plakatxoa igo, estutu behar den plaka bertikalaren azpian jartzeko. Bilgunera hurbildu ahala, hormak bertikaltasun pixka bat galtzen du, eta zailtasuna jaisten doa.

 

Jaitsiera: Bidetik rapelatzen. 60 m-ko 2 sokekin lurrera tirada batean iristen da (58 m inguru).

 

Materiala: 15 zinta + bilgunerako materiala. Friendsak eta fisureroak ez dira behar.

Arroka: Kareharria.

Orientazioa: Hegoaldea. Udan bero handia.

Iraupena: 1h 15 min.

Nork irekia/ekipatua: Joan Vidal, apirila 2024.

 

Cambiar idioma (Castellano)

Jarraitu

Balneario de Panticosa - El libro de la selva II (5a, 110 m, derrigorrez 4c)

Bideen zerrendarako lotura

El libro de la selva" bidea egiteko beste modu bat. Sendero Limitekoen bideak jende askok egiten ditu, eta batzuetan ilara egoten da bide bera egiteko. Normala da tapoi txiki bat sortzea. "Casa de Piedra" aterpearen inguruan dauden bideekin pasatzen da, baina gorago dauden bideekin ere gertatzen hasi da. Linea berriak irekitzearekin arazo hori zertxobait arintzen ari da.

Bide honen eskalada auzokoaren oso antzekoa da, eta ekipamendua ere. Bidea "El libro de la selva" hasten den lekutik 10-15 m gorago hasten da. R0 (parabolt 1) pinu txiki baten ondoan.

 

Beraz, esandakoa. "El libro de la selva" bidea egin behar badugu eta okupatuta dagoela ikusten badugu, bigarren aldaera honetatik sar gaitezke.

 

Iristeko eta hurbiltzeko: Ikusi hurrengo sarrerako informazioa.

 

L1 (20 m, 8 aseg., 4b). Uhin moduko batzuk dituen plaka etzana hasieran. Pinu handiaren ondoren, pitzadura moduko bati jarraitzen dion plaka bat. Mini-sabai bat ezkerretik gainditu eta pitzadura bati jarraitzen dion beste plaka batetik igo Rraino (parabolt 1 + zuhaizti 1).

L2 (25 m, 7 aseg., 4c). Hasieran pitzadura bat jarraitzen duen plaka. Gero, diedro etzan bat, liburu ireki baten itxurarekin. Diedroaren amaieran dagoen bloke handia bere ezkerretik inguratzen da. Goraxeago Ra dago, terraza eroso batean.

L3 (25 m, 9 aseg., 4c). Uhinak dituen plaka, eskuinerantz igotzen duena. Gero, zuzen igo eta, plataforma erdizirkular batetik, mini diedro batera hurbildu. Jendarme txiki batek bilera dagoen harmaila belartsu batetara ateratzen gaitu.

 

L4 eta L5 komunak "El libro de la selva" rekin. Ikusi hurrengo sarrera.

 

Jaitsiera: Bidezidorretik oinez. Mugarriei jarraitu besterik ez da egin behar. 10 bat minututan Bozueloko lautadetan gaude.

 

Materiala: 9 zinta + bilgunerako materiala. Friendsak eta fisureroak ez dira behar.

Arroka: granitoa, trinkoa eta itsasgarria.

Orientazioa: Hego-ekialdea.

Iraupena: 1h30min.

Nork irekia/ekipatua: Julio Benedé, iraila 2023.

 

Cambiar idioma (Castellano)

 

 

 

 

Jarraitu

St Llorenç de Montgai - La Cola (70 m, 5c, derrigorrez 5b)

Bideen zerrendarako lotura

Juan Gutierrez nekaezinak eta lagunek Memoria Selectiva zonaldean irekitako azken bideetako bat. Oso ondo hornitua eta oso harkaitz onarekin. L1 etzana eta L2 bertikala. Eskalada estiloari dagokionez, inguruko bideen antzekoa da. Plaken eskalada da nagusi.

L1ean, hirugarren aseguruan, ezkerreko ipuruaren alboan dagoen parabolt aldera joan. Bigarren luzerak ez du pasabide gogorrik, baina tarte bat du (7. eta 10. aseguruen artean), zailtasunari dagokionez oso mantendua (5b oso mantendua). Pasaguneren bat konplikatzen bazaizu, 5c zailtasuna duelako  sentsazioarekin amaituko duzu.

Bidea rapelatu ahal izateko ekipatua dago.

 

Iristeko eta hurbiltzeko: Ikusi hurrengo sarrera.

 

L1 (35 m, 9 aseg., 4b). Plakatxoa hasieran. Gero plaka etzan luze bat. Azken zatia, R-ra iritsi aurretik, pixka bat bertikalagoa jartzen da, baina helduleku oso onak ditu.

L2 (35 m, 12 aseg., 5c). Plaka bertikala, helduleku onekin, eskuineko ipuruaren parean jarri arte. Bosgarren parabolta jarrita dagoen lekura iritsi arte, ez da ikusten. Seigarrena seguruan, txapatu ondoren metro bat eskuinera pasa. Ondoren, tarte fin luze bat, 5b zailtasunean oso mantendua. Azken metroetan bertikaltasuna galtzen doa.

 

Jaitsiera: Bidetik rapelatzen edo, oinez, bidezidorretik jaisten. Bidea ezagutzen bada 20 minututan autoan zaude.

 

Materiala: 12 zinta + bileretarako materiala.

Arroka: Kareharria.

Orientazioa: Hegoaldea. Udan bero handia.

Iraupena: 50 min.

Nork irekia/ekipatua: David Dominguez eta Juan Gutiérrez, 2019ko otsaila.

 

 

Cambiar idioma (Castellano)

 

Jarraitu

St Llorenç de Montgai - Garrets-Eusebi (80 m, 6a, derrigorrez 5c)

Bideen zerrendarako lotura

Paret de la Formiguerako beste bide bat. Lehen erdian Multi Montis (torloju auto-kiribiltzaileak, parabolten kasuan ez bezala, arroka hautsi lezaketen tentsiorik sortu gabe instalatzen direnak) eta gainerakoan paraboltak dituen bidea. Eskalada estiloari dagokionez, inguruko bideen antzekoa da. Plaken eskalada da nagusi (bertikalak eta ez hain bertikalak).

Oro har, arroka ona da, L2aren amaieran dagoen tarte labur batean izan ezik; tarte horretan, harkaitzarekin arreta izan behar da. Bada lauza bat hobe dena ez ukitzea. L2 eta L3 zailtasun mailan mantenuak dira, baina L2n zatitxo fin bat dago (7. eta 8. aseguruen artean), eta horretan estutu egin behar da.

Ageriko ur-arrasto beltz eta zabal baten ezkerraldean, bidearen oinean, txapatxo laukizuzen bat duen buril batek adierazten digu bidea non hasten den.

Iristeko eta hurbiltzeko: Ikusi hurrengo sarrera.

 

L1 (20 m, 4 aseg., 4c). Plaka.

L2 (35 m, 12 aseg., 6a). Bileratik eskuinerantz ateratzen da, baina lehen asegurua txapatu bezain laster ezkerrerantz igo behar da, diagonal bat eginez. Hirugarren asegurua uztaiak dituzten bi Montis dira (rapelerako R). Luzeari gradua ematen dion pasagune fina 7. eta 8. aseguruaren artean. Goraxeago, arrokari erreparatu behar zaio (arreta jarri behar zaion lauza). Pasagunetxo kabroia ere bai, bilerara igotzeko. Bilgunea erlaitz eroso batean.

L3 (25 m, 7 aseg., 5c). Plaka bertikala, gehiago pentsarazten dizun pasagune batzuekin. Azken metroetan bertikaltasuna galtzen joaten da.

 

Jaitsiera: Bidetik rapelatzen edo, oinez, bidezidorretik jaisten. 20 minututan, bidea ezagututa, autoan zaude.

 

Materiala: 12 zinta + bilgunerako materiala.

Arroka: Kareharria.

Orientazioa: Hegoaldea. Udan bero handia.

Iraupena: 1h 30 min.

Nork irekia/ekipatua: Xavier Garreta "Garrets" eta Eusebi Codina, 1996ko maiatza.

 

Cambiar idioma (Castellano)

 

Jarraitu

Valle de Isabena - El Puente sektorea

Bideen zerrendarako lotura

Sarraduytik Bonansarako bidean “El Puente” eskalada-eskolaren barruko bideak dira. Hemen azaltzen diren bideak eskuin aldekoak dira.

Eskalada nagusiki plaka etzanetatik burutzen da, noiz  behinka itsasgarritasun pasaguneren batekin. Hormaren lehen metroak pixka bat bertikalagoak dira.

Oso ondo hornitua dago. Beraz, ez da inolako estutasunik pasatzen, eta ondo egon daiteke tarte bat pasatzeko eta haurrak edo eskalatu ez duen jendea eramateko. Luze ugariko eskalada pixka bat praktikatu nahi duen jendearentzat ere balio dezake. Luxuzko arroka. Pena da hain azkar bukatzea. L1 eta L2 luzeak elkarteko aukera ere badago (edo L2 eta L3 luzeak).

Eskalada jarduera luzatu nahi badugu, eskolaren ezkerraldeko luze bateko beste bide batzuekin konbinatu daitezke.

 

Iristeko: Sarraduy herrira hurbildu eta Bonansa-rantz igo A-1605 errepidetik. Laspaules-era doan bidegurutzea eta Blanco ibaiaren gaineko zubia igaro ondoren, 1,5 km aurrerago, errepideak Isabena ibaia zeharkatzen du. Zubia zeharkatu aurretik dagoen lautada txiki batean aparkatu.

Hurbiltzeko: Zubia zeharkatu aurretik, ezkerretara, bidexka bat irteten da. Igoera-tartea labur batek hormetatik gertu uzten gaitu. Agerikoa ikusten dugunean, eskuinera egin eta, beheranzko joerarekin, bideen oinarrira hurbildu. EZ SARTU BELARDIAN, LUR PRIBATUA.

 

Infierno (70 m, 4c, derrigorrez 4a)

L1 (30 m, 14 aseg., 4c). Sabeltxo bat hasieran. Gero plaka etzanak. Luzeraren bigarren erdian, itsasgarritasun pasagune batzuk.

L2 (15 m, 1 aseg., 3c). Harmailak. Diagonalean ezkerrerantz irten. Bizi-kablearen ondoren aurkituko dugu R2a.

L3 (25 m, 8 aseg., 4b). Harri trinkoz eginiko plaka etzan handia, oinekin eskalatzen dena.

 

Pedro Botero (65 m, 4b, derrigorrez 4a)

L1 (30 m, 12 aseg., 4b). Harmailak hasieran eta, jarraian, plaka bertikal labur bat, babaresa labur, baina polit bat duena. Gero, plaka etzanak, goiko aldean itsasgarritasun pasaguneren bat dutenak. Bidea "Purgatorio" bidetik hasteko aukera dagp, zailtasun maila eta eskalada motari dagokionez oso antzekoa.

L2 (15 m, 2 aseg., 3b). Harmailak. Zuzen igo. Bizi-kablearen ondoren R2a aurkituko dugu.

L3 (20 m, 6 seg., 4b). Harri trinkoz eginiko plaka etzan handia, oinekin eskalatzen dena.

 

Almas en pena (65 m, 4b, derrigorrez 4a)

L1 (25 m, 9 aseg., 4b). Plaka bertikala laburra hasieran. Gero, aurrekoen antzeko plaka etzan bat.

L2 (20 m, 2 seg., 3a). Harmailak. Ezkerrera jo eta, parabolta txapatu ondoren, zuzen igo ezpelen artetik. Bizi-kablearen ondoren R2a aurkituko dugu.

L3 (20 m, 7 seg., 3c). Harri trinkoz eginiko plaka etzan handia, oinekin eskalatzen dena.

 

Jaitsiera: R3tik bizi-kableraino rapelatu. Hortik, 10 minututan, oinez, bidearen oinarrian edo kotxean gaude.

Bizi-kablea duen tartea horizontala eta erraza da. Kablea altzairuzko kable fin bat da. Tarte horizontala amaitu ondoren, kablea amaitzean, zuzen jaitsi bidezidorraren arrastoei eta mugarriei jarraituz, bigarren kable-zatia aurkitu arte (kable lodia duena), Kable horrek hormen oinarrian uzten gaitu.

"Pedro Botero" eta "Almas en pena" ren R3tik oinez jaitsi daiteke. Eskuinera irten eta, destrepe labur baten ondoren, oinez jaitsi ahal izango gara bizi-kableraino. Rapelatzen ibiltzea baino aukera azkarragoa da.

 

Materiala: 9-14 zinta (aukeratzen dugun bidearen arabera) + bilgunerako materiala.

Arroka: Kareharria.

Orientazioa: Hegoaldea. Udan bero handia.

Iraupena: 45 min bide bakoitzerako.

Nork irekia/ekipatua: Bide guztiak L. Alfonso, 2005ean.

 

Cambiar idioma (Castellano)

Jarraitu

Valle de Isabena - Ferenuí (145 m, 5b, derrigorrez 5a)

Bideen zerrendarako lotura

Bide polita leku lasai batean. Arroka ona eta ekipamendu egokia, nahiz eta Friends joko bat eta zintaren bat eramatea egoki den urrutiratze batzuk babestu ahal izateko. Hurbilketa eta itzulera laburrak eta erosoak.

Tokiak aukerak eskaintzen ditu zailtasun eskuragarriko bide berri gehiago irekitzeko.

L4an, posible da ezpelen artetik ez pasa eta eskuinetik saihestea, baina, ondoren, zeharbide horizontal labur bat egin behar da ezkerrerantz, lehen parabolta aurkitzeko. Zaila izan gabe, aukera okerragoa da sokakideko lehenengoarentzat eta bigarrenarentzat ezpelak zeharkatzea baino. Hobe ezpelak zeharkatzea. Plakari zuzenago erasotzen zaio.

 

Iristeko: Laspaules herritik Alins herrira errepidez hurbildu (6 km). Elizaren ondoan dagoen plazatxo zabalean aparkatu. Iturri bat dago ura hartzeko.

Hurbiltzeko: GR-15a (kartel adierazleak) hartu elizaren eta hilerriaren artean. GR-15eko markei jarraitu. Beherantz doan bide polit batek lepo nabarmen batera hurbiltzen gaitu (6-8 min). Jaisten jarraitu eta kurba batean GRa utzi eta eskuinera irteten den bidezidor argi bat hartu behar da. Hasieran marka bat dago, GR ez dela adierazten duena. Jaisten jarraitu eta basoan sartuko gara. Hormaren ezproia gainditzean, eskuinerantz igotzen den bidezidorra aurkitzeko adi egon (mugarria). Bidezidorra ezproiaren azpitik igaro eta 50-80 m aurrerago aurkituko dugu. Autotik 15 minutu inguru izan daitezke.

Igo 35-40 metro oinez (mugarriak) hormaren oinarriraino. Lehenengo parabolta plaka baten gainean ikusiko dugu, eta bertara igotzen da trepada txiki bat eginez.

 

L1 (25 m, 6 aseguru, 5a). Plaka bertikala, ezkata handien moduko formekin eratutako arroka trinkoarekin. Bigarren parabolta zertxobait altu. Plaka gainditzean zertxobait igo eta eskuinera zeharkaldi bat egin behar da. Zertxobait expo da bigarrenarentzat azken asegurutik bilguneraino 4-5 m direlako.

L2 (35, 1 aseguru, 4b). Plaka labur bat erlaitz zabal eta erraz batera igotzeko. Erlaitza oinez igotzen da. Zuhaixka edo ezpel sendoren batean zintaren bat jartzeko aukera dago. Erpina igaro ondoren dago bilera.

L3 (35 m, 5 aseguru, 5b). Plaka etzana hasieran. Sabai txikia ezpelaren atzean. Ezpela eskuinetik saihesten da. Ondoren, arroka trinkoko plaka bertikal batetik jarraitzen du. Helduleku onen bat badu. Plaka ezker alderako joera txiki batekin igotzen da. Plakaren hirugarren paraboltetik irteteko pasagunetxo bat dago. Ezkerretik hobeto ateratzen da. Plaka gainditzean, bilera 5 metro eskuinetara dago.

L4 (45 m, 4 aseguru, 4c). Ezpelen artean pasa (pasagunetxo sastrakatsua), ageriko plaka argi baten oinarrian jartzeko. Plaka etzana, eta, ondoren, parabolt batez ondo babestutako erresalte bat. Amaitzeko, plaka leun inklinatu bat, baina bere ertzean euste leku onak dituena. Azken parabolta txapatu ondoren, pixka bat eskuinera eginez igo behar da, ezpel artean pasatuz, bilera aurkitzeko.

Jaitsiera: Oinez igo ezproi zabal eta eroso batetik 30-40 m inguru. Gure eskuinean Alins herriko etxeak ikusiko ditugu. "Etxe modernoaren" parean gaudenean adi egon. Bidezidor bat (trazak) jaiotzen da eskuinean, zeharbide horizontal labur batekin "etxe modernora" garamatzana. Kontuz! Etxe aldera ez jarraitu, eremu partikularra da. Ezpeletatik irten bezain laster, behera egin, etxe zahar batzuetara. Azpitik eta eskuinetik herriko etxeak saihestuz, zelai bat gurutzatuz, jaisteko erabili dugun GR bidera irtengo gara, eta hortik, autora igo behar da. Guztira, 10 minutu inguru izan daitezke autora itzultzeko.

Itzulera erosoa eta nahiko laburra. "Etxe modernoa" deitzen diogu herriaren goialdean dagoen kanpoko igogailua duen egurrezko etxe bati.

 

Materiala: 10-12 zinta + bilgunerako materiala. Friendsak eta fisurero-joko bana eta zinta batzuk ondo etor daitezke.

Arroka: Kareharria.

Orientazioa: Hegoaldea.

Iraupena: 1 h 45 min

Nork irekia/hornitua: Óscar Alemán, Israel Pérez eta Francesc Canyameres, 2018

 

 

Cambiar idioma (Castellano)

 

 

 

 

 

 

 

Jarraitu

Ihabar (Urbedez) - Itxoin pittin bat Lur (150 m, 5c, derrigorrez 5a)

Bideen zerrendarako lotura

Elektrolitos, Mujer poderosa edo Intifada bideekin konbinatuta, eskalada egun polit bat suerta daiteke. Bide semiekipatua.

Jatorrizko aipamenean lehen luzeari 6a zailtasuna ematen diote, baina guri errazagoa iruditu zitzaigun. Oinez fidatuta zutitu egin behar da lehen asegurua txapatu arte. Gero, bilatuz, euste leku onen bat badu eskuineko pitzaduran, eta 5c inguruan ateratzen da (baliteke gutxiago izatea; 5b). Gainera, A0 modura ere egin daiteke. Aipatzen dut, agian, baten bat lehen luzearen zailtasuna ikusita atzera bota delako.

Gainerako bidea kareharri trinkoko plaka etzanetatik doa. Gozamen ederra. Altuera sentsazio txikia.

Bidearen hasieran R0 egiteko parabolt bat jarrita dago.

 

Iristeko eta hurbiltzeko: Ikusi hurrengo sarrera.

 

L1 (20 m, 7 aseg., 5c). Oinez fidatzeko plakatxoa, lurretik altxatzeko. Lehen asegurua txapatu ondoren, eskuineko pitzadurako heldulekuekin ondo igotzen da. Gero plaka luze etzan bat, eskuineko babaresaren laguntzaz igotzen dena.

L2 (15 m, 0 aseg., II). Eskuinerantz zeharkaldia, erlaitz handietatik.

L3 (50 m, 4 aseg., 5a). R-tik irteteko pasagune txiki bat duen plakatxoa. Harmaila batzuek plaka handiaren oinarrian uzten gaituzte. Harri trinkoa eta itsasgarritasunezko eskalada. Amaieran, bi ezpel gurutzatu eta itsasgarritasunezko plaka bati eraso. Harmaila batzuek bilerara garamatzate (parabolt bat, ezkerreko pitzaduran friendsekin indartu daitekeena).

L4 (25 m, 0 aseg., 3c). Harmaila eta irtenguneetatik igo S handi bat eginez, lehenengo ezkerrera eta gero eskuinera. Plataforma handiko zuhaitzetako batean biltzea.

L5 (40 m, 2 seg., 4a). Hasieran parabolt batekin babesturako itsasgarritasunezko plaka. Gero, pixka bat ezkerrerako joerarekin igo (belar arrastoak dauden aldera). Ez dirudi, baina plakan heldulekuak eta zerbait jartzeko kokalekuak aurkituko ditugu. Goi goian, iltze batek bide onetik goazela adierazten digu. Harmailetatik eta lapiaz batetik amaitzen da. Bilera soka zati batez egindako arroka-zubi batean.

 

Jaitsiera: Pixka bat igo eta oinez jaitsi bidezidorretik.

Materiala: 7-8 zinta + bilgunerako materiala. Friends eta fisurero sorta bat, baita ezpeletan jartzeko zinta batzuk ere.

Arroka: Kareharria.

Orientazioa: Hegoa

Iraupena: 1 h 45 min

Nork irekia/ekipatua: Mikel Pardo "Txintxa" eta Christian Pau, 2022ko martxoa.

 

Cambiar idioma (Castellano)

Jarraitu

Ihabar (Urbedez) - Mujer poderosa (95 m, 5c, derrigorrez 5b)

Bideen zerrendarako lotura

Josema Berrocosok eta David Martínezek haitz onaren gainean irekitako bide labur eta polita, inguruko gainerako bideen estilo berekoa. Aseguru gutxi ditu, baina autobabesak jartzeko aukera dezente dago. Kalitatezko harkaitza, L3ko zatitxo batean izan ezik, oraindik "basati" samar baitago. Hobera egingo du jendea pasa ahala.

L1aren bigarren zatia oso polita da. Pitzadurez betetako plaka bat da eta bertan friendsak eta zintak jartzeko aukera ugari daude. L2 luzearen hasieran dagoen plakatxotik irteteko ere badu bere gauzatxoa. L3an, muntatu gabeko arroka-zubi batean txapatu ondoren zeharkaldi fin bat egin behar da eskuinerantz, luzean dagoen parabolt bakarra aurkitzeko. Parabolta zaila da ikusten (guk ez genuen ikusi behintzat) eta arrokak zuzen igotzeko “gonbidatzen” du arrokak helduleku onak dituelako eta autobabesak jartzeko aukera ikusten delako. Smithy eta lagunaren iritzi berekoak gara. Uste dugu logikoagoa dela zeharkaldia egin gabe zuzen igotzen jarraitzea. Zeharkaldia apur bat behartua dago. Bakoitzak erabaki dezala.

 

Iristeko eta hurbiltzeko: Ikusi hurrengo sarrera.

L1 (25 m, 1 aseguru,, 4a). Arroka trinkoko plaka etzana hasieran, arte handiraino iritsi arte. Oinekin eskalatzen den plaka da. Zuhaitza igaro ondoren, plaka pitzatu bat, postontziz betea eta autobabeserako aukera askorekin.

L2 (30 m, 3 aseguru,, 5b). Arroka trinkoko plaka hasieran. Lehen parabolta baino lehen totem urdin bat jartzeko aukera dago. Ondoren oinak bi zulo handira igo behar dira, eta harkaitzean koska txiki bat aurkitu, oinak itsasgarritasunez igo eta plakatik irten ahal izateko (pasagune fina). Gero, bi zuhaiztiren artean pitzadurak dituen plaka bati eraso behar zaio. Azken paraboltetik eskuinera egin eta 5 m ingurura, plataforma belartsu batean, 2 zuhaitz aurkituko ditugu bilera egiteko. Hasierako plakaren ondoren luzean hainbat friends jartzeko aukera dago.

L3 (40 m, 2 aseguru,, 5c). Pitzadura plaka zimurtsuaren ezkerraldean. Iltzearen ondoren, ezkerreko plakara irten. Hormatxoraino igo (muntatu gabeko arroka-zubi bi). Hormatxoak helduleku onak ditu. Pixka bat igo eta eskuinera pasa. Parabolta ikusteko zaila. Luzera harmaila batzuetatik amaitzen da, pitzaduraz eta heldulekuez betetako lapiaz batetik. Bi arroka-zubi sendoekin eraikitako bilera. 5 m eskuinetara "Intifada" bidearen azken bilera ikusiko dugu (parabolt 1 + arroka-zubi 1). Hor ere egin liteke bilgunea.

Hormatxoan eskuinera ez pasatzeko eta zuzen igotzen jarraitzeko aukera dago. Helduleku onak eta autobabeserako aukera onak. Eskuineko zuhaitza gaindituta, pixka bat eskuineranzko joerarekin igo R aurkitzeko. Aldaera hori pixka bat errazago ateratzen da (5a/5b).

 

Jaitsiera: Pixka bat igo eta oinez jaitsi bidezidorretik.

Materiala: 8-10 zinta + bilgunerako materiala. Friends eta fisurero joko bat, baita zuhaitzak lotzeko zinta batzuk ere.

Arroka: Kareharria.

Orientazioa: Hegoa

Iraupena: 1 h 30 min

Nork irekia/ekipatua: Josema Berrocoso eta David Martínez, iraila 2023.

 

Cambiar idioma (Castellano)

Jarraitu