Leku lasai eta polita. Ziur itzuliko
garela, aukera asko geratu baitira egitelo.
Can Boix hoteleko instalazioetara sartu
eta Rimbau sakanean sartzen den bidea hartu. Aurrerago, bidea uharraren beste
aldera pasatzen da (udaran uharra lehorra dago). Bidegurutze batera iritsiko
gara zutoin adierazle batekin. Zutoina baino hamar metro lehenago, hodi baten
parean, uharra zeharkatu eta bidexka bat aurkituko dugu. Hasieran ez dago oso
zapalduta, baina, gero, agerikoa da. Jarraitu bideari. Lehenengo zatia
igotzekoa da (zig-zag eginez). Gero, zeharkaldi bat egiten du eta mendiaren
magala zeharkatzen du eskuin aldera. Zati horretan bidea nahiko horizontala da.
Uhar lehor batera iristen da. Bideak zeharkatzen du. Aurreraxeago, bideak gora
egiten du eta horma batera hurbiltzen gaitu. Horma horren oinarrian adobezko
adreiluz egindako babes bat dago. Horman kirol bideak daude (parabolt lerro
batzuk ikusten dira). Honaino 35 bat minutuko ibilaldia beharko dugu.
Bideak ezkerrerantz jotzen du eta uhar
lehorrerantz itzultzen da. Bertara iristean, ibilgu lehorretik igotzen da pixka
batean, eta, gero, bidea banandu egiten da, eta ezkerrerantz jotzen du.
Igoera-tarte batek (zig-zag eginez) pista batean utziko gaitu (45-50 minutu
hoteletik).
Pistari jarraitu eta Roca de L 'Ermita
haitza inguratu. Pista bi uharrek zeharkatzen duten leku batera iritsiko gara
(1 h 5 min hoteletik). Lehen uharra zeharkatu aurretik, mugarri bat ikusiko
dugu. Bide hori hartuta, "Diagonal del Corb" bidearen hasierara
iritsiko gara (2 minutu mugarritik). Bigarren mugarrian hasten den bidezidorra
hartuta, 3-4 minutuko igoera labur batean, "La Rampa" bidearen
hasierara iritsiko gara. Bigarren bidezidorra ere Mola del Corb-era igotzeko
bidexka da. “La Rampa" bidea Mola del Corb-era igotzeko kanalaren hasieran
hasten da.
Itzulera igoeraren leku beretik egin
dezakegu, edo, paseo polit bat eginez, Sant Honorat hormei buelta osoa eman.
Luzeagoa da, baina ingurua ezagutzen ez bada, merezi duen ibilbidea da. Buelta
osoa emateak (zutoin adierazle batekin adierazitako bidegurutze batera iritsi
arte) 1h15min eta 1h30min artekoa denbora suposa dezake. Hortik kotxera beste
30 minutuko jaitsiera gehitu.
0 comentarios:
Publicar un comentario