© X. Larretxea. Con la tecnología de Blogger.

2013/08/27

Landarediak nahiko hartutako daukan eta spitekin eta iltzeekin ekipatutako bide semiekipatua. Orokorrean arroka ona da, baina bada L4ean arreta jarri behar zaion zati bat. Udaberrirako edo udazkenerako bide egokia. Udaran, bero gehiegi. Goiz esnatuta ere bere izugarri pasa genuen eta horrengatik erabaki genuen ez jarraitzea eta jaistea.
Azken luzeak deskribatzen beste krokis bat ipintzen dut. Yvan Roure-rena da eta Internetetik hartutakoa da (http://www.caf-bagneres-bigorre.com/club-alpin-bagneres-photos-sortie-470.html). Krokis horretan azaltzen den bezala igotzeko aukera bat baino gehiago eta luzeak luzatzeko edo mozteko aukera dago.

Iristeko eta hurbiltzeko: Ikus hemen.

L1 (30 m, 3 aseguru, 4c). Erlaitzeraino trepadatxo bat eginez igo. Hemendik, toki garbienetatik, zuzen igo. Hasieran landarez oso jantzia. Lehenengo spita 12 metro ingurura. Apur bat gehiago igo eta eskuinera jo, gure gainean, eskuinean, ikusten den haritzaren aldera. Bera baino apur bat gorago, bere ezkerrean, bilgunea aurkituko dugu (2 spit). Azken metroak oso ziztatzaileak erratza (Ruscus) asko dagoelako.
L2 (25 m, 1 aseguru, 4b). Ezker aldera irten. Plakatxo batera iritsi arte, eskuinetik ezkerrera jotzen duen zeharkaldi gorakorra. Bere oinarritik zuzen igo. Bilgunea (2 spit) erlaitz handi batean da. Berehala ezagutuko dugu zoruan zulo handi bat baitauka.
L3 (25 m, 4 aseguru, 6a edo 5a/A0). Bigarren bilgunearen gainean bi konkor deigarri ikusiko ditugu. Hortik igo behar da. Bilgune parean dagoen horma-gilborra bere ezkerretik inguratu eta terraza belartsu batera igo. Gilbor bat gainditu eta zulo batera igo iltze batean dagoen zintaren laguntzarekin. Beheko konkorra bere eskuinetik inguratzen da. Oinarentzat aurkituko dugun mokotxo batek pasagunea gainditzen errazten du. Metro batzuk gorago, krestaren ertzean, bilgunea dago (2 spit).
L4 (50 m, 3 aseguru, 4a). Lepotxo bateraino krestatik igo. Erraza da, baina arrokarekin arreta apur bat jarri behar da. Ezker aldera jarraitu, zuhaixka batzuen aldera, iltze bat aurkitu arte. Hortik zuzen, gora, jo behar da sabaitxoaren azpian ikusten diren spiten bila. Beheraka jotzen duen zeharkaldia plakatik irteteko. Bilgunea arroka-zubi batean. Zinta luzeak eraman sokaren marruskadura handia baita.
Lehenengo 2 spitak nahiko gertu daudenez, zinta luze pare batekin posible litzateke bilgunea bertan egitea. Krokis gehigarrikoek hori egin dutela ematen du. Gero zuzen jarraitzeko (sabaitxoa gaindituz) ego zeharkaldia egiteko aukera legoke.
L4 (30 m, 0 aseguru, 4c). Autobabestu behar den luzea. Hasieran diedro-tximinia bat. Ondoren plaka etzan batetik igotzen den kresta zabala. Azken hormatxo batek bilgunean (spit 1) uzten gaitu. Arroka-zubi eder batek (ekipatu gabekoak) hormatxoaren pasagunea ongi babestea ahalbidetzen du.



Yvan Roure-ren krokisa.

Jaitsiera: Ikusi hemen.

Materiala: 6-8 zinta + bilgunerako material. Friends joko bat eta fisureroak.
Arroka: Landarez jantzitako kareharria.
Orientazioa: Hegoa
Iraupena: 3h



Komentariorik egin nahi baduzu,hau da lekua.

0 comentarios:

Publicar un comentario