Ampriu - Felipe, el herboso (4c, 120 m, derrigorrez 4c)

Bide luzeetan hasteko bide aproposa. Inguruko beste bideren batekin konbina daiteke (eguraldiagatik guk egin ezin gunuena). Oso ongi ekipatua.

Pallestras sektorea begetazioz nahiko jantzia dago, baina eskalada begetaziorik gabeko kalitatezko (zatitxoren bat izan ezik) arrokatik burutzen da.

Aurreko egunetan euria egin badu bigarren luzeko plakaren erdialdea bustia aurki dezakegu. Egileen aipamenean hirugarren luzeko lehenengo koskari 4c ematen diote. Guri ez zitzaigun hainbestekoa irudi oso ongi babestua dagoelako eta zertxobait ezkerrera eginez oso erraz gainditzen delako.

Bidearen hasiera aurkitzeko hormaren oinarrira hurbildu. Bertan eraztun handiak dituzten parabolt handiak ikusiko ditugu. Militarrek ekipatutako bideen hasierak adierazten dituzte. Gure eskuinean, zertxobait igota, urki-“bostkoitz” (5 enbor dituen urkia) bereizgarri bat ikusiko dugu eta zertxobait gorago urki bakarti bat. Metro batzuk gorago (6-8 m) zikin arrasto beltz bi ikusiko ditugu horman. Bigarrenean (goikoan) bidearen lehenengo parabolta ikusiko dugu (lurretik 4-5 metrora dago).

Iristeko eta hurbiltzeko: Ikus hurrengo sarrera (Ampriu).

L1 (30 m, 4 aseguru, 4b). Harmailak eta blokeak. Bilgunea erlaitz handian egiten da eraztun handia duen parabolt handi batean.

L1bis (20-25 m). Oinez eskuinera egin eta espoloiaren ertza inguratuz uhar txiki baten oinarrira hurbildu. Bere eskuinean igo beharreko plaka handia dago. Lehenengo txapa ikusten da. Gorputzetik aseguratzen da (toki zabala eta erosoa).

L2 (40 m, 10 aseguru, 4c). Plaka etzana hasieran. Gero bertikalagoa jartzen da. Amaieran diedro bat. Aurreko eguneko ekaitzarengatik guk plakaren zati bat bustia aurkitu genuen. Bilgunea pinu txiki batean atzean dago.

L3 (50 m, 8 aseguru, 4a). Kanal-uharraren ezkerrean geratzen den espoloitik igo lehenengo koskara iritsi arte (bi pinuen artean dago). Koska gainditu ondoren itsasgarritasunezko plaka etzan batetik igotzen jarraitzen da. Beste koska txiki bat eta berehala gara bilgunean. Bi koskak oso ongi babestuta daude eta gainontzekoa oso etzana da.

Jaitsiera: R3 eta R2 katez lotutako bi parabolt eta eraztunez osatuta daude, rapelatzeko prestatuta. R3tik, kanal-uharretik, 45-50 metroko rapel batek R2n uzten gaitu. Bertatik 30 metroko rapel batekin lurrean gara (R1bis-ean; 60 metroko soka batekin, justu, baina ongi iristen da). Bertatik oinez jaisten da.

Materiala: 10 zinta +bilgunerako materiala. Friendsak eta fisureroak soberan daude.

Arroka: Gneisa.

Orientazioa: Ipar-ekialdea.

Iraupena: 1h15min.

1º igoera: J.M. Arizon eta Luis Alfonso, 2008.

Cambiar idioma (Castellano)