Collegats - Esperó Piru-Caba (4c, 70 m, 4c derrigorrez)

Bide laburra, baina interesgarria. Ez dizu kale egingo. Ez da bide zuzena, baizik eta hormak duen bide errazena jarraitzen saiatzen da. Bidea ongi ekipatua dago, orokorrean arroka ona agertzen du eta hasierako bi luzeetan eskalada bertikala da. Eskuin aldera egiten den zeharkaldi aereo bitxi bat eta destrepe arraro txiki bat duen atzerako bideak (dena ongi babestua), adorea ematen diote bigarren luzeari.

Bide aproposa denboraz gaizki bagabiltza. Hurbilketa motza. Jaitsiera rapelatuz edo oinez egin daiteke. Gu oinez jaitsi ginen (jaitsiera erosoa; 35 min-tan kotxean zara bueltan). Rapelatuz ez dut uste denbora gehiegi aurrezten denik.

Iristeko eta hurbiltzeko: Ikus hurrengo sarrera.

L1 (20 m, 6 aseguru, 4c). Ezkerretik hobe igotzen den tximinia. Aseguruek gidatzen zaituzte, baina bigarren aseguruan eskuin aldera pasa behar da. Plaka bertikal handiaren oinean jartzeko, horizontalean, eskuin aldera, 3-4 metro egin. Euste leku onak dituen plaka bertikaletik bilguneraino zuzen igo. Pasagune fin bat bilgunera igotzeko.

L2 (25 m, 9 aseguru, 4c). Eskuin aldera zeharkaldi horizontal oso aereoa (ongi babestua). Ondoren, erlaitz handi batera igo arte, zuzen igo. Jarraian beste zeharkaldi bat egin behar da, oraingo honetan ezkerrera, eta pasagune arraro den (sabaian dagoen parabolt batez ongi babestua) 1,5 m inguruko koska jaitsi behar da. Azkenik oposizioan igotzen den diedro-tximinia. Bilgunea lurrez jantzia dagoen erlaitz handi batean egiten da, sabaiaren azpian, hormaren ezkerreko erpinean. Luze honetarako interesgarria da zinta luzeak eramatea sokaren marruskadura gutxitzeko.

L3 (25 m, 5 aseguru, 4a). Kanalaren ezkerrean dagoen plaka etzanetik igo. Eskuinera pasa eta lurrez zertxobait hartuta dagoen kanal-diedroari ekin. Arroka trinkoa kanal-diedroaren eskuin aldean. Ezkerreko aldean dagoen arrokari aldiz arreta jarri behar zaio. Bilgunea gailurreko tontortxoaren eskuineko erpinean dago.

Jaitsiera: Azken bilgunetik 2-3 metro ezkerrera 12 mm-ko spitez eta eraztunez osatutako beste bilgune bat ikusiko dugu. Beste aipamen batzuek diotenez, lurrean uzten zaituen 45 m-ko rapela da. Beste aipamen batean rapelatzeko tarteko beste bilgune bat agertzen da hormaren erdi aldera. Guk ez genuen rapelatu, oinez jaitsi ginen.

Horretarako, oinez metro batzuk igo eta argi ikusten dugunean ezkerrera egin, argi indarraren dorre aldera (1. dorrea). Bigarren dorre aldera begetazioz libre dagoen eremutik jarraitu eta bertatik hirugarrenera. Ez du pena merezi begetazioan sartu eta monasteriora igotzen den bidearen bila igotzea. Landaredia oso itxia da eta arantza ugariekin. Hirugarren dorrea pasa eta zertxobait aurrerago, harrizko bi harresi modu erraz eta eroso batean jaistea ahalbidetuko digun bidea adierazten duen mugarria dago. Jaitsierako bideak Gramuntillera doan auzo-errepide asfaltatuan uzten gaitu. Kotxera itzultzeko, guztira, 35 min inguru beharko ditugu.

Materiala: 9-10 zinta (batzuk luzeak) + bilgunerako materiala. Friends eta fisureroak soberan.

Arroka: Kareharria (Konglomeratua).

Orientazioa: Hego-ekialdea.

Iraupena: 2h.

Nork irekia: Ramon Caballé, Josep Solana eta J.M. Tunica, otsaila 1981.

Nork birrekipatua: César Pérez Hurtado.

Cambiar idioma (Castellano)