Riglos - Ultravox (6a, 105 m, derrigorrez 5c/A0)

Bere albokoak diren “Anorexia” eta “Carla” bideen antzekoa da. Hala ere L2n duen riglosen hain ohikoak diren gilborra aurreko bi horietan daudenak baino gogorragoa da.

Bidea aurkitzeko zuhaitz txiki baten tamaina eta forma duen ipurua aurkitu behar da  hormaren oinarrian. Ipurua baino zertxobait gorago txapa ilunak dituen lerroa ikusiko dugu. “Victor García” bidea da. Ipurutik metro batzuk beherago zuhaixka baten eskuinean dagoen tartea ikusiko dugu. Bertara hurbildu eta metal koloreko txapa lerroa ikusiko dugu. Hori da geure bidea.

Iristeko eta hurbiltzeko: Ikus hurrengo sarrera.

L1 (25 m, 5 aseguru, 5a). Euste lekuak dituen plaka bertikala. Plaka hasieran begi bistaz dirudiena baino bertikalagoa da. Aseguruak ez daude gertu.

L2 (45 m, 8 aseguru, 6a). Bilgunetik eskuin aldera irten eta horma bertikal bat gainditu. Ondoren riglosen hain ohikoak diren gilbor kabroia dator. Aseguruak gertu ditu, baina besoz fuerte egon behar da. Dagoenarentzat pasagunea 5c mailakoa irudituko zaio. Ez dagoenari berriz 6a edo gehiago. Pasagunearekin zertxobait borrokatuz A0 modura gaindi daiteke. Sabaia gainditu ondoren eskuinera pasa eta kanal moduko bati ekin behar zaio. Igotzen goazen heinean kanalak bertikaltasuna galtzen doa. Azken 15 metroak plaka etzan batetik doaz.

L3 (15 m, 0 aseguru, II). Oinez igotzen den plaka oso etzana. Bilgunea parabolt batean (bestea txaparik gabe zegoen). Gorago, 5 metro ingurura, espoloiaren ertzean, 2 paraboltez osatutako bilgunea dago. Victor Garcia bidekoa da, baina bertan ere egin daiteke bilgunea.

L4 (20 m, 3 aseguru, 4c). Luzeko lehen erdian 5 metroko hormatxo bertikala duen plaka laburra. Gero bilgunera iritsi arte arroka trinkoz osatutako plaka etzanagoa. Bilgunetik 10 m gorago txapa horie eta eraztun handi bat duen parabolt handi bat (12 mm) duen beste bilgunea dago.

Jaitsiera: Oinez gailurrera igo. Bertan zinta eta kableak dituen ipuru handi bat aurkituko dugu. Bertatik 35 metro inguruko rapel bat egin behar da, 70 metroko soka batekin nahikoa da. Ondoren bidezidor batetik jaisten da bidearen hasieraraino. Ipuruan ohikoa izaten da jaisteko errenkadak sortzea. Jende ugari eskalatzen dabilenean pazientzia apur bat izan beharko dugu.

Ez badugu inor aurkitzen, 20-25 minututan bidearen oinean gauzak jasotzen egon gaitezke.

Materiala: 8 zinta + bilgunerako materiala. Friendsak eta fisureroak ez dira beharrezkoak.

Arroka: Kareharria (Konglomeratua).

Orientazioa: Hegoa. Eguzkia goiz goizetik.

Iraupena: 1h45min.

Nork irekia: Javier Oliván.

Cambiar idioma (Castellano)