Sedero Limiteko lagunen beste gozokia. Bere albokoa den “Baloo”
bidea baino homogeneoago eta zuzenagoa. Inguru honetan dauden beste bi bideak
gutxiagotu gabe, zonaldeko biderik politena dela uste dut. Gehiago egiteko gogoarekin
geratzen zara. Arroka oso ona eta, Sendero Limiteko estiloa jarraituz, oso ongi
ekipatutakoa. Ez da apururik pasatzen. L2 eta L3, zoragarriak.
Krokis originalean L3 luzeari 5b maila ematen diote
egileek eta agian horregatik mailan justu dabilen norbait desanimatu egin da. Guri
askoz errazagoa iruditu zitzaigun. Eman diogun maila 5a-koa da, baina
lasai-lasai izan daiteke 4c. Luze oso polita da (politena). Oinez fidatu behar
den itsasgarritasunezko plaka etzan bat da, baina beti dago euste leku txikiren
bat oinak igotzen laguntzen dutenak. Gainera beti posizio eroso batetik
txapatzen da eta pasaguneak soka gainetik dagoela egiten dira. Laburra egiten
da.
R2 eta R4 bilguneak eraztunekin hornituta daude, apuru
batean (ekaitza, … etab) bidea rapelatu ahal izateko. Bidearen izena parabolt
batean jarritako zinta batean aurkituko dugu bidearen hasieran.
Iristeko eta hurbiltzeko: Hurrengo sarreran dagoen informazioa irakurri.
L1 (25m, 6 aseguru, 4a). Ezker aldera igotzen den plaka zimurtsua hasieran. Bloke batzuk gainditu ondoren
bilgunera iristen da (plakan, sabaitxoaren azpian dago).
L2 (30 m, 11 aseguru, 5a). Bilgunetik irteteko euste leku onak dituen sabaitxoa. Ondoren plakatik igo
behar da diedro etzanera iritsi arte. Lehenengo metroetan plakak euste leku
onak ditu. Zatirik finena diedroan sartzea da. Diedroa etzana igotzean euste
leku onak dituzten bloke batzuk bilgunera eramaten gaituzte.
L3 (20 m, 7 aseguru, 5a). Itsasgarritasunezko
plaka etzana. Oso ongi babestua.
L4 (25 m, 8 aseguru, 4c). Bilgunetik
eskuinera irten. Plaka zimurtsu batek itsasgarritasunezko plakatxo biribildu
batera eramaten gaitu. Hori gainditzean pitzadura bertikal motz bat igotzea
soilik geratzen da bilgunera iristeko. Pitzadurak lur apur bat dauka, baino
ongi babestua dago.
L5 (15 m, 5 aseguru, 5a). Zati
lurkara motz bat hasieran. Ondoren
itsasgarritasunezko plakatxo bat eta azkenik euste leku onak dituen
horma bertikal laburra. Horman, horizontalean jarrita (nahita jarrita balego
bezala), pinu txiki baino trinko bat aurkituko dugu. Oso ongi dator tarte hori
gainditzeko. Azken bilgunea pinu handian.
L4 eta L5 luzeak elkartzeko
aukera dago.
Jaitsiera: Oinez, zonalde honetako jaitsiera-bidea jarraituz. Mugarriak jarraituz 10
minututan “Llanos de Bozuelo”-ko soroan gara.
Materiala: 11 zinta (14 azken bi
luzeak elkartzen badira) + bilgunerako materiala. Friendsak eta fisureroak
soberan, ez dira beharrezkoak.
Arroka: Granitoa. Zintzoa eta
itsasgarritasun handikoa.
Orientazioa: Hego ekialdea.
Iraupena: 1h30min.
Nork ekipatua: Lucas Morales, Luis Royo eta Julio Benedé,
2018.
0 comentarios:
Publicar un comentario