Bi minutuko hurbilketa duen bidea. Edozein
momentutan egiteko balio dezake, baina eguraldia oso segurua ez denerako oso
aproposa da atzera-egitea oso erraza delako eta ez duelako arazorik. Ongi
ekipatua dago eta arroka ona da, baina goiko aldean oraindik jende gutxi pasa
da eta arroka oraindik zertxobait “basatia” dagoenez blokeren bat edo besterekin
arreta izan behar da. Denborarekin, jendea pasa ahal, hobetzen joango da.
Bideko zailtasun aipagarriena lehen
luzeko 6a zailtasuna duen pasagunea da (5c/A0). Beste guztiak zailtasun oso
eskuragarria du eta gozatu egiten da.
Bigarren luzearen erdi aldera “La gran
travesía” bidearekin gurutzatuko gara (berdez margotutako paraboltak). Azken bi
luzeetan paraboltak txapak izan beharrean kate-mailak dituzte.
Lehen bi luzeak rapelatzeko prestatuta
daude (2 parabolt + 2 eraztun). Hortik aurrera hobe da goitik irtetea eta katez
hornituta dagoen bidetik jaistea.
Gailurretik Morata de Jalón aldera
dauden bistak zoragarriak dira. Horrengatik soilik pena merezi du igoerak.
Iristeko eta hurbiltzeko: Ikus hurrengo sarrera.
L1 (35 m,11 aseguru, 6a). Nahiko
etzana den plaka batek horma bertikal baten oinarrian uzten gaitu. Hasieran
euste leku onak ditu, baina bere erdi aldera pasagune gogorra dago. Pasagune
hori gainditu ondoren zailtasuna gutxitzen doa eta bilgunera hurbiltzen garen
heinean plaka etzan batetik igotzen da.
Lehen asegurua zertxobait altua (7-8 metrora). Hala ere,
nahi bada, alboko bidearen (Edelweis) lehen asegurua erabiltzeko aukera dago.
L2 (35 m, 9 aseguru, 5a). Plakatxoak eta harmailak hasieran. Ondoren,
zeharkaldi labur bat eginez, metro pare bat ezkerrera egin behar da. Tarte
honetan dago luzeko pasagunetxo gogorrena. Hori gainditu ondoren harri trinkoz
osatutako inklinatutako erlaitz handi batera irteten da. Bertan parabolt berde
bat eta eskuin aldera adierazten duen gezi berde bat aurkituko ditugu. Kontrako
norantzan igo behar da eta ezkerrera xume eginez igo. Beste parabolt berde bat
aurkituko ondoren, azken metroak, harmailak izango balira, erresalte motz
segida batetik egiten dira.
L3 (30m, 3 aseguru, 3b). Gandorraren ertza aurkitzera, eskuin aldera irten
bilgunetik. Ondoren galdorraren eskuin aldetik igotzen da, ertzetik metro
batzuk behera. Luze oso etzana. Arroka ona, baina blokeren batekin edo
bestearekin arreta izan behar da.
L4 (25m, 3 aseguru, 4c). Zimurdura pilo bat duen plaka bertikal laburra.
Gailurrera iristerakoan altzairuzko klabea duen ipurua aurkituko dugu. Bertan
bilgunea egin daiteke, baina 5 metro gorago, eskuinera, bi paraboltez osatutako
bilgunea dago.
Jaitsiera: Ertza eskuin aldera jarraitu eta hormaren ertza jarraituz eskuin aldera jaitsi. “Aguja del Olvido”
orratzaren gailurraren parera izan arte jaitsi behar dugu. Mugarri bat eta erresalte labur bat jaisteko balio duen
kate zati motz bat ikusiko dugu. Hori jaitsi eta jaisten jarraitu, oinez,
hurrengo kateak ikusi arte (mugarria hasieran). Kateek bertikalagoa den zati
bat nahiko modu erosoan jaisteko aukera ematen dute. Bidearen oinera iristeko,
guztira, 25 min inguru beharko ditugu.
Materiala: 11-12 zinta + bilgunerako
material. Friendsak eta fisureroak ez dira beharrezkoak.
Arroka: Kararria.
Orientazioa: Hegomendebaldea.
Iraupena: 1h 15 min.
Nork irekia eta
ekipatua: Jesus Yarza, Javier Ortega eta Javier Vera, azaroa 2016.
0 comentarios:
Publicar un comentario