© X. Larretxea. Con la tecnología de Blogger.

2022/06/16

Oharra: Lehen bi luzeak “Creador de sueños” bidekoak dira eta beste biak “Concepción García” bidekoak.

Bide polita. Lehen bi luzeetan pasagune finak dituzten arroka trinkoz osatutako plaketan eskalatzen da. Lehen luzeari 5c ematen diote, baina lasai-lasai 6a izan daiteke. Hurrengo bi luzeetan (Concepción García bidearenak) arrokaren kalitatea jaitsi egiten da eta euste-leku batzuekin arreta izan behar da (gehien bat azken luzean). Hala ere, azken luzea kanal moduko baten barrutik doanez, bota ditzakegun harriek ez dute arriskurik lineatik kanpo eroriko lirateke eta.

Bidea rapelatzeko prestatuta dago, baina hobe oinez jaistea. Azkarragoa eta erosoagoa da. Atzetik jendea badugu edo beheko bideetan jendea badago, oinez jaisteko asuntoa derrigorrezkoa bihurtzen da. Segurtasunagatik.

 

Iristeko: Morata de Jalón herritik abiatuta hormetara hurbildu eta Pared del Reloj hormara hurbiltzen garen heinea, pistan aurkituko dugun lehen zabalgunean kotxea aparkatu. Bi kotxeentzat lekua dago.   

 

Hurbiltzeko: Oinez bideen oinarriraino igo (7 min).

 

L1 (30 m 8 seg., 5c). Plaka, plaka eta plaka. Pasagune batzuk finak.

Aseguruen artean ezkerrera eta eskuinera, eta eskuinetik ezkerrera mugitu behar da zulo onenak aurkitzeko. Bilgunea iritsi baino lehenago pasagune fina. Hobe eskuinetik. Lehen asegura zertxobait altua.

L2 (30 m, 10 seg., 6a). Bilgunetik eskuin aldera irten. Lehen erresaltea gainditu ondoren diedro ireki moduko bati ekin behar zaio. Ondoren oinetan fidatu behar den pasagune finak dituen plaka dator. Pasaguneren batean oinak asko igo behar dira. Azken metroetan plaka etzanago da eta lasaiago eskalatzen da.

L3 (25 m, 5 aseguru, 5b). Harmailak hasieran. Bigarren aseguruaren parean, eskuinera, dagoen harri bloke handirekin kontuz. Ematen du erortzekotan dagoela. Luzea diedro-babaresa oso polit batekin amaitzen du. Estutu behar da.

L3 (25m, 5 aseguru, 5a). Pitzadura zabalaren ezkerrera dagoen hormatik igo behar da. Euste leku onak, baina arrokak ez du konfiantza handia ematen. Beste aldera pasatzen da (ezkerrera) eta kanal moduko batetik igotzen da. Lehenik diedro motz bat gainditu behar da eta kanaletik jarraituz (harri solteak) irteerako hormatxora iritsiko gara. Euste leku onak, baina hemen ere arrokarekin arreta izan behar da.

 




Jaitsiera: Eskuin aldera eginez gailur aldera igotzen hasi. Horretarako hormaren eskuin ertzari jarraitu. Goian (4 min) pintura urdin-zuriko markak aurkituko ditugu. Horiei jarraitu eta bidezidorretik lepotxo batera jaitsi (7 min). Hortik, eskuin aldera, zuzen jaitsi egokiena ikusten dugun tokitik (bidezidor arrastoak). Kotxera iristeko 20 min inguru beharko ditugu.

Gauzak bidearen oinarrian utzi baditugu, lepotik behera jaitsi eta eskuinean geratzen zaigun gandorraren oinarria inguratu. Igoera xamur baten bideen hasieran utziko gaitu 5 minututan.

Rapelatzen jaisteko aukera dago. Bilgunean 2 parabolt eta 2 eraztunez eraikiak daude (R3 izan ezin; eraztunen partez maillotak).

 

Material: 10 zinta + bilgunerako materiala. Fisuak eta friendsak ez dira beharrezkoak.

Arroka: Kararria.

Orientazioa: Hegomendebaldea.

Iraupena: 2h.

Nork irekia eta ekipatua: ¿?

 

Cambiar idioma (Castellano) 

Categories: , ,


Komentariorik egin nahi baduzu,hau da lekua.

0 comentarios:

Publicar un comentario