Bide
hau Gainirten izenarekin izendatzen nuen, baina blogean jasotako komentarioengatik
garbi zegoen hori ez zela bere izena. Bere izena Patxiku da. Bidea 2015ean
Gipuzkoako Mendi Federazioak berrekipatu zuen, baina gero konturatu ziren ez
zutela lehen luzeko ibilbide originala jarraitu. Aurten Federazioak jarri
zituen aseguruak kendu eta plaka-diedro bertikal batetik doan sarrera originala
berrekipatu du.
Bertikalagoan
diren lehen 10 metroak izan ezik, bide gehiena plaka nahiko etzanetatik doa.
Arroka granito zahar eta trinko batez osatuta dago. Aiako Harriko eremu ederrarekin
gozatzeko aukera paregabea izan daiteke bide hau. Inguruan dauden beste bide
batekin osa daiteke eguna. Tokia, beti bezala, zoragarria.
Iristeko: Oiartzun
herritik Irunera doan errepidea (GI-2134) jarraitu. Kilometro bat aurrerago
(1,3 Km), bidegurutze batean, eskuinera hartu (GI-3454). “Ingelesaren Gaztelua 7” adierazten duen
kartela dago. Aiako Harri aldera igo. Mendate gainean aparkatu, eskuinean
dagoen zelaigune handian.
Hurbiltzeko: Begiratu hemen. Hormaren oinera
iristerakoan ezkerrera egin behar da. Bidearen hasiera Erlaitz I eta II bideak hasten
diren lekutik, ezkerrera, 15 metro ingurura dago. Kimikoak berehala ikusiko
ditugu.
L1 (30 m, 8 aseguru,
4c):
Lehen metroetako plaka-diedroak sabaitxo baten azpian kokatuko gaitu. Sabaia
bere ezkerretik saihesten da. Ondoren plaka motz batek L1 erdian dagoen
babaresa politera eramango gaitu. Babaresa gainditu ondoren, euste leku oneko
plaka batek bilgunean uzten gaitu. Hori bai, plakaren azken 5-7 metrotan ez
dago asegururik. Bilgune erosoa.
L2 (25 m, 3 aseguru,
4a):
Harmailak hasieran. Gero arroka trinkoz osatutako plaka etzana.
L3 (30 m, 3 aseguru, 3b): Zailtasuna asko
jaisten da luze honetan. Plaka asko etzaten da eta luzearen erdian dagoen
hormatxoa kenduta beste guztia oso erraza da.
Materiala: 8 zinta + bilgunetarako materiala.
Arroka: Granito
zaharra oso itsasgarritasun onarekin. Arroka trinkoa.
Orientazioa: Mendebaldea.
Iraupena: 1h15min.
1. igoera: J. Etayo, R.
Marina eta J.M. Rodriguez, 1977.
Nork ekipatua: Iñaki Igoa eta
Andoni Arregi-k, 2004.
2015eko martxoan
Gipuzkoako Mendi Federazioak berrekipatua.
Gipuzkoako Mendi
Federazioak 2021ean L1 aldatu eta berrekipatu du.
0 comentarios:
Publicar un comentario