© X. Larretxea. Con la tecnología de Blogger.

2020/11/15

 

Predicaderan ireki den azkenetariko bidea. Arroka, beti bezala, kalitate ezin hobekoa. Ekipamendua ere (12 mm metrikako paraboltak). Bere albokoa den “Jabalí errante”-n bezala bidea, orokorrean, arroka trinkoa eta euste leku onak dituzten plaka etzanetatik doa. Hirugarren luzeko irteeran dagoen plaka bertikala eta ondoren, ezker aldera zeharkaldia eginez, zeharkatu behar diren kanal batzuk dira bidearen zailtasun aipagarrienak. Nahiz eta bidearen erreseina originalean L2ko irteerari 5c-ko maila eman, diedro modura igoz eta eskuineko horman oinak ipiniz, errazagoa irteten da. Gainera euste leku onak ditu.

Bilgune guztiak eraztunez hornituta daude rapelatu ahal izateko. Sarritan errepikatuko den bidea izango da. Azkar egiten da eta inguruko besteren bat egiteko aukera ematen du.

 

Iristeko, hurbiltzeko eta jaisteko: Ikus hurrengo informazioa.

 

L1 (50m, 9 aseguru, 4c).  Zati batzuk zertxobait bertikalagoak dituen plaka luze bat.

L2 (35 m, 9 aseguru, 5b).  Hasieran plaka bat. Euste leku onak dituen ezproi bertikal labur batera eramaten gaitu eta honek azken zati bertikalaren oineara (kanal moduko bat).  Euste leku onak azken zati honetan. Diedro modura igota (eskuineko horman eskuineko oinak ipiniz) zuzen saiatuta (5c) baino askoz errazago irteten da. R2 Jabalí erranteko R3rekin komuna da.

L3 (35 m, 11 aseguru, 6a+ o A0/5b).  Euste leku txikiak dituen zati bertikala (6-8 metrokoa) bilgunetik irten eta berehala. A0 modura egiteko aukera dago. Plataforma handi batera irtengo gara. Bertatik ezker aldera egin eta zeharkaldi gorakor bat eginez kanal batzuk zeharkatu behar dira. Ez dira pasagune zailak eta euste leku onak ditu, baina zertxobait esposatua da zeharkaldian igotzen baita.

L4 (25 m, 3 aseguru, 4a).  Plataforma handi batera igo eta azken plakatxoari ekinez bilgunera iristen da. Jabalí errante bidearekin azken luze hau komuna da eta azken zatia Afrodita bidearekin ere.

 




Materiala: 11 zinta + bilgunerako materiala. Friendsak eta fisureroak ez dira beharrezkoak.

Arroka: Kareharrizko tillita, oso urratzailea. Kalitate gorenekoa.

Orientazioa: Hego ekialdea.

Iraupena: 1h 15 min.

Nork irekia eta ekipatua: Óscar Buil, 2020.

 

Cambiar idioma (Castellano)

Categories: , ,


Komentariorik egin nahi baduzu,hau da lekua.

0 comentarios:

Publicar un comentario