© X. Larretxea. Con la tecnología de Blogger.

2016/01/04

Bideak ongi banandutako bi zati ditu. Behekoa, lehenengo 3 luzez osatutakoa, plaka etzanetarik zehar doa, beste guztia orokorrean arroka ona duten (aseguruak gertu dituen L4ko zati bat izan ezik) plaka bertikaletatik doa. Bidea oso ongi babestua dago eta larritasun gutxikoa da. Azken luzea hormaren goiko aldean dagoen erlaitz erraldoiaren ostean dago eta ez du altuera sentsazioa sortzen. Beheko luzeetan asegururen bat edo batzuk saltatzeko aukera dago (bakoitzak erabakitzen duenaren arabera).
Leku polita eta lasaia. Abenduak hasierako zubian egindako bidea.
KONTUZ! Araututako eskalada. Uztailak 31tik abenduak 15era soilik eskala daiteke. Araua errespetatu.

Iristeko: Hurrengo sarrera irakurri (Els Ports).

Hurbiltzeko: Ikus hurrengo sarrera.

L1 (50 m, 6 aseguru, 3a). Ia oinez igotzen den plaka oso etzana. Aseguruak jarraitu. Nahi baldin bada, asegururen bat edo batzuk salta daitezke.
L2 (25 m, 6 aseguru, 3b). Plaka etzana, aurrekoa baino zertxobait tenteagoa.
L3 (20 m, 4 aseguru, 3c). Bigarren aseguruan erresalte bat duen plaka etzana. Erresaltzea bere eskuinetik saihestu daiteke. Hobe L2 eta L3 luzeak elkartzea.
L4 (25 m, 9 aseguru, 5a edo 4c/A0). Euste leku onak dituen plaka bertikala hasieran. Ondoren ezker aldera, ipurua ikusten den leku aldera, joan. Ondoren euste leku txikiak dituen plaka bertikaletik zuzen igo behar da. Euste leku horietako bateren batekin arreta izan behar da. Hala ere zati horretan aseguruak gertu daude eta ez da larritasunik pasatzen.
L5 (25 m, 6 aseguru, 4b). Arroka ona eta “bolo” onak dituen plaka bertikala. Bilgunera hurbiltzen garen heinean plakak bertikalitatea galtzen du. Hobe L4 eta L5 luzeak elkartzea (L4ko bilgunea zertxobait deserosoa da).
L5bis. Gure ezkerrean dauden zuhaitzetaraino dauden 15 metroak oinez egin.
L6 (25 m, 10 aseguru, 5c+ edo 4c/A0). Zuhaitzaren enborraren laguntzarekin igotzen den plaka bertikala hasieran. Ondoren arroka trinkoa duen eta ezkerretik eskuinera doan espoloitxo moduko batetik jarraitzen da gilbortxo baten oinarrira iritsi arte. Bertan dago bideko pasagune zailena. Oso ongi babestua dago, goian, justu bere lekuan, dagoen parabolt batekin. Pasagunea gainditzerakoan bilgunera iritsteko euste lekun onak dituen plaka bertikal batetik igotzea soilik geratzen zaigu.



Jaitsiera: Bidetik rapelatzen. Bilgune guztiak (L4koa izan ezik) bi parabolt eta eraztunez osatuak daude.

Materiala: 10-16 cintas (luzeak elkartzen badira ala ez) + bilgunerako materiala.
Arroka: Kareharria (konglomeratua).
Orientazioa: Hego-ekialdea. Eguzkia, goiz goizetik.
Iraupena: 1h45min
Nork ekipatua: M Huguet eta I. Monsonís, abendua 2012.

Categories: , ,


Komentariorik egin nahi baduzu,hau da lekua.

0 comentarios:

Publicar un comentario