Bide bitxia. L1 eta L3 luzeak kanal estu baten barrutik
doaz. Zati bertikal batzuk dituzte eta bertan, X handi bat eginez, tximiniak
igotzeko teknika jarri behar da praktikan. Niri gertatzen zaidan bezala,
eskalada mota horretara ez bazaude ohituta, izerdi patxada bat botako duzu.
Orduan eta kanporago joan hobe, baina batzuetan, ia nahi gabe, barrura sartzen
zara eta kasu horietan arrastaka ibili behar zara. Bestalde Predicaderan beti
eguzkitan eskalatzea ohituta egonik, deigarria egiten da bide hau ia ibilbide
guztia haizetik babestuta geratzen da eta itzaletik doa. Arroka, beti bezala,
primerakoa. Ekipamendua ere.
Bidea aurkitzeko “Jabali errante” bideko oinarritik metro
batzuk ezkerrera mugitu. Bidearen oinarrira jaisten uzten duen soka finko bat
aurkituko dugu . Bidearen izena harkaitzean margotuta.
Iristeko, hurbiltzeko
eta jaitsiera: Ikus hurrengo informazioa.
L1 (35m, 17 aseguru, 5c). Horizontalagoa den kanal-tximinia
batez banandurik dauden bi kanal-tximinia bertikalek pasagune fin batzuk dituen
plaka hori batean uzten gaituzte. Kanal-tximiniako bi zati bertikaletatik,
bigarrena da luzeena eta mantenduena.
L2 (25 m, 9 aseguru, 5c). Pasagune fina bilgunetik irteteko. A0 modura
egiteko aukera dago. Gero zailtasuna gutxituz doa eta euste leku onak dituzten
plaka eta erresaltetatik igotzen da.
L3 (30 m, 9 aseguru, 4c). Lehenengo
luzekoak baino txikiagoak diren erresalteak dituen kanal-tximinia. Erresalte
zailena, azkena.
L4 (35 m, 11 aseguru, 5b). Hiru zati
bertikal aurkezten dituen erdiko ezproitik igo behar da. Hirugarren zati
bertikala ematen duena baino hobeto gainditzen da euste leku onak baititu.
Luzearen zailtasunak hirugarren zati bertikalaren hasieran eta amaieran daude.
Bilgunea zertxobait deserosoa. Bilgunea eta oinak ipintzen dituzun lekuaren
artean metro batzuetako sakonera duen kanal bertikal bat dago. Zutik jarrita ez da postura
hartzen. Onena eserita aseguratzea da.
L5 (35 m, 10 aseguru, 6a+ edo A0/5b). Bilgunetik
irteteko 2 paraboltekin ongi babestutako pasagune makurtua. Ezproiaren ertzetik
zertxobait igo eta bere eskuinean geratzen den plaka bertikalera pasa behar
da.Horretarako eskuineko kanalean zertxobait sartu behar da. Zati bertikala,
baina euste leku onekin. Pasagune fina irteeran. Harmaila batzuk eta azken
plakatxoak bilgunean uzten gaituzte.
Materiala: 17 zinta + bilgunerako
materiala. Friendsak eta fisuak ez dira behar.
Arroka: Kareharrizko tillita, oso
urratzailea. Kalitate berezikoa.
Orientazioa: Hego ekialdea.
Iraupena: 2h.
Nork irekia eta ekipatua: “Sueño vertical”, abendua 2017.
0 comentarios:
Publicar un comentario