La Fullaterara itzultzen gara falta zaigun
bidea egitera. Bero asko egiten du, baina haize pixka batek jotzen du eta bidea
egiten uzten da.
Bidean, plakak etzanak dira nagusi, azken luzea
izan ezik. Ongi hornitua dago eta harkaitz onekoa da. Bilerak leku erosoetan daude
eta lehen 3 luzeetan sokarekin lotutako bi parabolt gehi mailloi batez osatuta
daude. Horrek ezustekoren batekin topo egiten badugu (euri zaparrada bat,
adibidez), bidea uztea ahalbidetzen du. Gero hobe da goitik irtetea. Azken
luzeak gure gradua gainditzen badu, "Ni sueur ni peur" bidearen azken
luzetik irten gaitezke (5a zailtasun maila du).
Bidea, "Ni sueur ni peur" bezala,
inguruan bagabiltza egitekoa da.
Iristeko,
hurbiltzeko eta jaisteko: Ikus hurrengo sarrera.
L1 (40 m,
8 aseguru, 5a).
Euste lekuak dituen hormatxoa hasieran. Gero C handi bat egiten duen
itsasgarritasunezko plaka bat. Zati belarkara bat igaro ondoren kanal modukoak
dituen plaka eta zeharkaldi horizontal batek bilgunean uzten gaituzte.
L2 (35 m,
7 aseguru, 4a).
Bilgunetik irten eta berehala, itsasgarritasunezko plaka. Ondoren plaka etzan
segida bat, belar erlaitzen artean. Azken metroetan horma txiki batekin egiten
da topo ( 2m ingurukoa). Bere eskuinetik ekidin daiteke.
L3 (50 m,
9 aseguru, 5c).
Pasagune arraroak dituen 4-5 metroko horma-diedro bertikala. Gero harmaila
belarkara batzuk adarrak nahiko baxu dituen pinu handi batera eramaten
gaituzte. Pinua, ahal dugun tokitik zeharkatu eta azken plaka etzanei ekin.
L4 (30 m,
4aseguru, 3c).
Harri-bloke handiaren eskuinetik irten. Gero aseguruak gertu dituen plakatxo
bati ekiten zaio. Azkenik plaka oso etzan batek bilgunean uzten gaitu.
L5 (45 m,
7 aseguru, 3c).
Gure eskuinean ikusten den ageriko pinu txiki aldera igo zeharkaldi bat eginez.
Gero zuzen igo. Zati etzan bat eta ondoren azken plaka batek bilgunean uzten
gaituzte.
Hartxingadia. Hartxingaditik igo (mugarriak)
eta pinudi batean sartu. Gure eskuinean ezproi harritsu handi bat ikusiko dugu
eta aurrean plaka etzan batzuk. Horizontalean eskuinera zeharkaldi bat egin
behar da ezproi horren oinarrian jartzeko. Leku horretara iristeko 50 m inguru
ibili behar da oinez (mugarriak).
L6 (35 m,
7 aseguru, 4a).
Plakatxo batek euste leku onak eta ongi igotzen den hormatxo bertikal batean
uzten gaitu. Ondoren plaka etzan batez osatutako zati luze bat azken
hormaraino, hau ere euste leku onekin. Bilgune bat ikusiko dugu. Hobe beste 5 m
inguru igo R7bis bilguneraino. Erlaitz handi batean dago eta erosoagoa da.
L7 (50 m,
11 aseguru, 6a).
Euste leku onak dituzten harri-bloke handi batzuk gainditu ondoren horma leun
baten azpitik, eskuinera, zeharkaldi horizontal bat egin behar da. Zeharkaldiak
horma bertikal batera eramaten gaitu. Horma zati horrek kanpo aldera tiratzen
du. Aseguruen arteko tarteak txapen artean eskalatzea behartzen dute zati
honetan. Zati bertikala gainditu ondoren harri-bloke handiz osatutako harmailetatik
igotzen da azken bilguneraino.
Materiala: 11 zinta + bilgunerako
materiala. Friends eta fisurero joko bana gehi zinta batzuk ongi datoz
urrutiratzeren bat babesteko.
Arroka: Granitoa.
Orientazioa:
Hego
mendebaldea.
Iraupena: 3h 15min
Nor
ekipatua: Dominique Gleizes, Nicolas Bechemin-en laguntzarekin,
urria 2013.
0 comentarios:
Publicar un comentario