Semiekipatutako bide
laburra, kareharri oso on, trinko eta helduleku onekoarekin. Ez da berariaz
egitera joateko bide bat, baina inguruan bagaude, goiz edo arratsalde bat
betetzeko balio dezake.
Puntu giltzarria:
L2aren irteera. Azken asegurua txapatu ondoren estutu beharreko pasagunea dago
pitzaduratik irten eta gandorrera igotzeko.
Eskalatzen jarraitzeko
gogoarekin geratzen bagara, kirol sektoreko eskalada-bideekin osa dezakegu
eguna. Erreferentziak esteka honetan aurki ditzakezue.
Iristeko: Ullá herrira
hurbildu eta futbol zelaiko aparkalekuan autoa utzi.
Hurbiltzeko: Lurrezko
pista hartu eta baserrira hurbildu. Metro batzuk lehenago ezkerretara hartu.
Zabalgune handi batean, jendeak autoa uzten du eskalatzera igotzeko. Gero,
bidezidor batetik igo besterik ez da egin behar. Azkenean, bidexkatik kanpo igo
behar da (egokien ikusten dugun lekutik).
Baserrira igotzen den
pista ez dago gaizki, baina ez dago ere hain ondo. Autoz igo daiteke, baina
futbol-zelaian utzita, hurbilketan 10 min gehiago baino ez dira behar.
Futbol-zelaitik
bidearen oinarriraino 30 minutu dira (lasai ibilita).
 |
| Mapa |
L1 (30 m, 3
aseg., 4c).
Helduleku onak dituen kanal-diedroa hasieran. Lehen eta bigarren seguruen artean
zinta bat onartzen duen zuhaixka bat dago. Bilgunea zuhaitz batean.
L2 (20 m, 3
aseg., 5c).
Harmailak, pitzadura bertikal baten azpian jarri arte. Azken asegurua txapatu
ondoren, estutu egin behar da, pitzaduratik atera eta gandorrera igotzeko. Bilgunea
parabolt batez osatua. Friends edo fisurero batekin sendotu daiteke.
L3 (30 m, 0
aseg., 3a).
Gandor horizontala bloke handien artean. Azken bilgunea harri-bloke handi
batean.
Jaitsiera: Oinez,
bidezidorretik kanpo hasieran eta gero igo garen bidetik. Autora itzultzeko 30
minutu inguru behar dira.
Materiala: 6-7 zinta +
bilgunerako materiala. Friends eta fisurero sorta bat eta zinta batzuk.
Arroka: Kareharria.
Orientazioa: Hegoa -
hego-mendebaldea
Iraupena: 45 min.
Nork irekia eta
ekipatua:
Centre Excursionista de l 'Escala-ko kideek.
0 comentarios:
Publicar un comentario