Leku ezin hobea da
udarako, beroak estutzen duen egun horietarako. Bere orientazioa dela eta
(mendebaldea), itzalean eskalatzeko aukera izango dugu 13-14:00ak arte.
Oso kalitate oneko
harkaitza eta oso ondo ekipatua. Bilguneak 12 mm-ko paraboltez eraikiak.
Pilá Perales, Miquel
Garrell, Ramon Rubio "Kalkariseu" eta Òscar Fernàndez azken urte
hauetan horma honetan linea berriak garbitzen eta irekitzen aritu dira.
Inguruko argazki zaharragoak ikusita, garbiketa lan handia egin dutela ikusten
da. Atzetik gatozenok eta ume bezala eskaladaz gozatzen dugunok, batzuetan ez
dugu aintzat hartzen atzean dagoen lan eskerga. Eskerrik asko lan handi
horrengatik.
Iristeko: Coll de Nargó herritik
Organya-rako norabidean C-14 errepidea jarraitu. 4 km-ra dagoen bidegurutzean Figols
aldera egin L-401 errepidea hartuta.
Zubia zeharkatu bezain laster, ezkerrera hartu (Figols aldera). Zertxobait
aurrerago, 700-800 metro ingurura, ezkerretara, aparkatzeko zabalgune handi bat
ikusiko dugu.
Hurbiltzeko: Bidezidor
nabarmenetik hormetara igo. Harkaitzaren oinarrira iritsitakoan, oinarritik horma
osoa zeharkatu behar da ezkerreko muturreraino, eta han aurkituko ditugu
bideak. Bideen izenak arrokan pintatuta daude. Aparkalekutik 13 minutu inguru
dira.
Josep Fatjó (70
m, 5b, derrigorrez 5a)
L1 (30 m, 8 aseg.,
5a).
Amaiera aldera mini-erresalte bat duen plaka. Mini-erresaltea gaindituta, plaka
etzan luze bat, aseguruak pixka bat urrutiratuagoak dituena.
L2 (40 m, 13 aseg.,
5b).
Plaka etzana, heldulekuekin, eta, ondoren, bloke-eremu bat. Gero, pasagune
finen bat duen plaka bertikal batek sabaitxo batean uzten gaitu. Sabaitxoa
gaindituta, horma bertikal batek bileran utziko gaitu.
Soka finkoa R2ren
eskuinaldean, feixa handira igotzeko.
.
Barón rojo (75
m, 5c, derrigorrez 5b)
L1 (40 m, 10 aseg.,
5a).
Plaka hasieran. Lehenengo asegurua altu samar dago (tarte erraza da, baina
asegurua altu samar dago). Gero plaka luze bat heldulekuekin. Ez da zaila,
baina txapen artean eskalatu behar da. Josep Fatjó-n baino distantzia handiagoa
dago txapen artean. Pitzaduratxo bat R-ra iritsi baino lehen.
L2 (35 m, 11 aseg.,
5c).
Heldulekuak dituen plakatxo batek diedro labur batean uzten gaitu, non oinak
ondo jarri eta pixka bat estutu behar den. Gero plaka bat sabaitxo txiki batera
iritsi arte. Sabaitxoa gaindituta, heldulekuak dituen plaka batek bilgunean
uzten gaitu.
Jaitsiera: Bidetik
rapelatzen. Josep Fatjó-n, 60 metroko bi sokarekin, lurrera iristen da, tirada
bakar batean. Barón rojo-n 2 rapel behar dira.
Materiala: 11-13 zinta + bilgunerako
materiala. Friendsak eta/edo fisureroak ez dira beharrezkoak.
Arroka mota: Kareharria.
Orientazioa: Mendebaldea
Iraupena: 1 h bide
bakoitzerako.
Nork irekia eta
ekipatua:
"Josep
Fatjó",
Josep Fatjó i Genéri eskainia:
Pilá Perales, Miquel
Garrell eta Ramón Rubio "Kalkariseu", 2025eko uztaila.
"Barón
rojo":
Nork irekia: Pilá Perales,
Miquel Garrell, Ramon Rubio "Kalkariseu" eta Òscar Fernàndez.
2023an F. Garcia, M.
Lavaquiol, O. Fernàndez, M. Garrell eta R. Rubiok birrekipatu zuten.



0 comentarios:
Publicar un comentario