Vodka ekipoko kideek (uste dut) ireki
eta ekipatutako bide berri horietako besta bat. Gradu samurra, luxuzko
ekipamendua, arroka primerakoa eta kotxetik 2 minutura. Zer gehiago eska
daiteke? “María Jesús Callau” bidea gehituz jarduera polita irteten da.
Bidea erraz identifikatzen da bere
oinarrian izena duen plakatxo bat jarrita duelako. Plakatxo horretan “Lourdes”
bideari Vº zailtasuna ematen diote, baina, zalantzarik gabe, zertxobait
errazagoa da. Agian zailtasun maila hori duen pasaguneren bat du, baina hain
ongi ekipatua dago ez dela estutasunik
pasatzen. Jarraitzeko gogoarekin amaitzen da.
Iristeko
eta hurbiltzeko: Ikus hurrengo sarrera.
Lourdes
(5a, 70 m, derrigorrez 4c)
L1
(25 m, 7 aseguru, 5a). Ageriko sabaira iritsi arte plaka. Sabaia hobe
da aseguruen ezkerretik egitea eta ondoren eskuinera pasatzea. Bilgunea
rapelatzeko prestatua (2 parabolt gehi eraztun bat gehi malloi bat).
L2
(20 m, 0 aseguru, II). Bilgunetik irteteko trepada labur bat (2-3 m).
Ondoren oinez igotzen da begetazio artean. Agerian ezker aldera eginez igo
behar da gure bilgunea aurkitzeko (parabolt 1 gehi kankamo 1; eraztunik gabe).
L3
(25 m, 9 aseguru, 5a). Itsasgarritasunezko pasagunetxoren bat duen
plaka hasieran. Gero harri-bloke handiaren ezker aldean dagoen kanal moduko
batetik igotzen da. Plaka labur bat eta azken horma. Azken hormak euste lekuak
ditu eta aseguruak gertu daude (R3 bilgunea katearekin lotutako 2 parabolt + eraztun 1).
M
Jesús Callau (5a, 30 m, derrigorrez 4b)
L1
(30 m, 15 aseguru, 5a). Harri-bloke handiaren eskuinetik, plaka luze
batetik, azken hormaren oinarriraino igo behar da. Azken hormak bertikalak
euste leku ugari ditu eta aseguruak gertu daude. Azken metroak plaka batetik
egiten dira (R1 2 parabolt + 2 eraztun).
Jaitsiera: Bidetik
rapelatuz. R3tik R1eraino jaitsi eta hortik lurrera. R2ak ez daude rapelatzeko
hornituak.
Materiala: 15 zinta +
bilgunerako materiala. Friendsak eta fisureroak ez dira behar.
Arroka: Kareharria. Moratako
kalitatea.
Orientazioa:
Hego
mendebaldea. Neguan eguzkia eguerditik aurrera.
Iraupena: “Lourdes” 1 h;
“María Jesús Callau” egiten badugu gehitu beste ordu erdi bat.
Nork
irekia/ekipatua:??
0 comentarios:
Publicar un comentario